... jo ihr Liewe, sowas gefft´s wirklich ... zumindest bei mir   Nochdem ich ke Buttercremetorte mag, loss ich mer in die "rustikal Richtung" schon manchmol was infalle.

Mei Oma hat mir mol sowas gemach un ich vergess des mei Lewe net, weil des wor nor eenmol un hat sowas vun gut gschmeckt. Also, han ich des a ausproweert.

Do is grod mol mei Rezept:

For de Pannekuche brauch mer:

500 g    Mehl
2-3        Aier (demnach wie groß se sin)
1 Brise  Salz
1 Brise  Zucker
Milich un Mineralwasser mit Kohlensäure 

Aier trennen, die Dotter mit Mehl, Milich un Mineralwasser verrehre bis a net allzu dinne Taich entsteht. 
Salz un Zucker dazu un de Aischnee drunner hewe. Die Pann ganz heiß were losse, mit Ehl auspensle un dann de Pannekuche noch un noch ausbacke.

Des ganze wedder mit Bild:

Jetz mach mer die Füllung for die Pannekuche Torte

De Zucker karamelisere,  mit Wasser ufleese, 2 Aier mit Zucker verrührt dazu, frisch gemahlne Walnüsse dazu und durchkoche

  

  


  
De Pannekuche Schicht for Schicht schmeere un zum Schluss a Schokoglasur owwe droff

  



Warnhinweis:

des is ke Diätkuche!

Ich winsch eich gudes Gelinge un gude Appetit




_________________