Becherkuche

Des is mol a eenfache un schnelle Kuche ... un ... der schmeckt echt lecker.

Ich han do mol a Kerschekuche gemach.

Mer braucht:

3 Aier
1 Pck. Backpulfer
1 Becher Youghurt  (200 g)
1/2 Youghurtbecher Öl
1 Youghurtbecher Zucker
2 Youghurtbecher Mehl
a bissche Salz

ca. 1/2 kg Weixle (frisch odder aus´m Glas)

so werd´s gemach:

Aier trenne un Schnee schlage. Die Eidotter mit dem Zucker schaumich rühre, Youghurt, Zucker, Mehl, Backpulver, Salz un Öl dezugewe un alle durchenander rühre. Dann de Schnee drunner uff a eingefettetes Backblech, Kersche druff un ab in de vor´gheizte Owe. Bei ca. 200 Grad ca. 30 Minute backe.

Mei Trick:

Ich tu erscht die Häft vum Taich backe, dann e Teil Kersche druff, der restliche Taich druff un noch a paar Kersche owwedruff.

Wann de Kuche gebackt is, auskiehle losse un dann mit Pudderzucker besteie.

Des is mei Lieblingsrezept, weil do muss mer net sovier nochdenke beim abwiege usw.....

Ich winsch eich gudes Gelinge un gude Appetit