Schuppnudle (Buwespätzcher)

Dezu brauch mer:
1 kg      Krumbiere
300 g    Mehl
2           Eier
4           Leffl Semmelbrösl
150 g    Butterschmalz

Des ganze verarweide:
Die Krumbiere mit de Schale koche (am beste dann iwwer Nacht stehn losse), schäle, verdricke (am beste mit de Krumbierepresse), mit dem Mehl, Eier  un a bissche Salz zu eem Taich verarweite. Wann de Taich zu klebrich is, noch etwas Mehl dezu gewe, bis sich de Taich vun de Schissl leest).
De Taich zamrolle, kleene Sticker schneide un zwische de Händ zu Schuppnudle rolle.

Die Schuppnuddle komme dann in a große Tippe mit siedendem Salzwasser un mer losst se so ca. 5 Minute köchle, bis se owwe schwimme... dann sin se fertich.

Semmelbreesl breindle un die Schuppnudle dezu gewe.
Mit Kompott odder Sauerrahm esse.


Mei Tipp: mit mehlich kochende Krumbiere is de Taich leichter zu verarweide.

Gudes Gelinge un a gude Apetit winsch ich eich.